الســلآم عليكم ورحمة الله وبركــآآته
أبـ يـ آآ ت متـ وآآضـ ع ــه
،)
،)
أنـا البـآرحه يوم الوجيه أقبلت لنوم
جفيت المنام وهبني ريح الأشواقـي
على يمة الغالين واللي علي مقسوم
كتب بـآخر دروب الملاقا تفرّآقـي
تذكرت حبن كان عند الغضي معلوم
يلوح بـ سما اللوعات مع كل براقـي
حشيم الموده عندي مقدر ومحشوم
رسم من رحيله موقعن بين الأعماقـي
أقـول بغيابه يا عسى الله غـلآه يـدوم
لو إنـه لقا .. الله يهنيه وش لاقـي ؟
مصير العمر لو طال له مدتن محتوم
وكلن على هقواته الكايده هاقـي
أنـا خابره يدفن بصدر الغرام سهوم
ويجبر عزاه بصمت .. من مـر ما ذاقـي
يكابر على حظه ويصبر بطعم الثـوم
عقب سكر الاحباب والمستوى الرآقـي
نصيبه نصيبي والحكي ضايع ومعـدوم
عسى الله يزيح الليل نبدا بالإشراقـي
خذينا وذقنا وانتهزنا ضعيف القوم
وصرنا مطامع .. كل كاذب وبواقـي
حقايق تعـل الكبد وتهيض المحروم
عسى فالليالي المقبله للفرج باقـي
واضمه ولو ضمة مـوآدع لآخر يوم
على القبر دربن سار ساقه مع ساقي
مناوي عزيزن ذل ومن القهر مكتوم
كشف بوحه الذكرى وهبات الاشواقـي