أحبك والمحبه جات من الله

تغيب آلنآس عن عيني و شخصك يآلغلآ مآغآب. .

أشوفك وين ما أمشي و طيفك ساكن بـ عيني


أحبك و المحبه جت من الله و مالها أسباب
لقيتك تجري في دمي و تسكن في شراييني

وانا من كثر ما أغليك أبلبس من غلآك. . ثيآب
و أكحل ناظري بـ شوفك يا طيفن ما يخليني


أبقهر كل عذالي عسى الله لا يجيب غياب
و أشوفك دوم في قربي أحاكيك و تحاكيني

و أبسكن في نظر عينك و أبيك تضمني بـ أهداب
و أبي كل ما شكيت الهم في بُعدك تواسيني


وأبي لو شانت الدنيا أبي نحيا و نموت أحباب
و أبي كل ما توله ناظرك تكفى تناديني


حبيبي لو تباعدنا أبصبر و القلوب قراب
و أنافي داخلك ساكن إذا ما قلتلي ويني

فديتك يا بعد كل البشر والناس و الأصحاب
فديتك ياللي في قر بك أحس الدنيا بـ يديني

تغيب آلنآس عن عيني وشخصك يآلغلآ ماغاب
أشوفك وين ماأمشي و طيفك ساكن بـ عيني


أحبك و المحبه جت من الله ومالها أسباب
لقيتك تجري في دمي و تسكن في شراييني